كلنا سكارى في دنيتنا
كلنا سكارى في دنيتنا السكران فقد عقلاته يدور حول نفسه يمكن ينسى همومه السكران مش اللي شارب كحول وبس ما كلنا سكرانين تايهين في دنيتنا اللي سكران حب وعايش في الخيال والوهم مسيطر عليه مهووس بحبيبه و الارض مش قادره تشيل رجليه يدُور حوالين نفسه يدوَر ازاي يرضيه لا نهارو يعرف انبساط ولا ليلو يعرف راحه واللي سكران حب بالدنيا طول عمره يجري ولا يرتاح يخطط ويفكر ازاي يكبر ثروتو ويزيد في حسابه الملايين لا تهنى بلقمته ولا لبس هدمه عليها القيمة نسى اهله وعياله وخان الصحبة والرفقة لا يهدى ولا يعرف راحة وعقله من التفكير اتحرق في الاخر يموت ويخليها لغيره وياخذ معاه الا افعاله واللي سكران هم وحزن لا يعرف ضحكة ولا سعادة دقت على بابه طول الوقت عايش في الماضي والمستقبل شالو من حسابه دموعه سايله على الخد وقلبه يتوجع ويئن احزانه كبيره مش قادر يشيلها من سكته هو مدفون بالحياة والحياة نسيته اصل الدنيا زي القطر تجري ما تستنى حد والسكران وراء لقمة العيش تايه ونسى حاله يجري طول اليوم يدور ازاي يطلع القرش عشان يوكل عياله ويسترهم بالهدمة الدنيا تخبط فيه يمين وشمال لا عارف يرتاح ولا ي...