يا قلب .....

ياااه ...يا قلب ادي ايه تتحمل وشايل ولا حد حاسس بيك هم فكرين انك حجر مش عارفين انك لحم ودم حتلاقيها من مين ومين من الدنيا اللي ملخبطه احوالك ولا من حبايبك اللي هجروك وقت حاجتك ليهم الحيرة ساكناني ليل ونهار والغُلب ينهش في روحي وقلبي تعبت ولا حدش داري بيا شايله همومي وأقضي يومي ادورها يمين وشمال يمكن الاقي الحل يمكن يظهرلي خرم ابرة يفتحلي باب الدنيا قست عليا والنَّاس قلبها تحجر ولا حاسه بغيرها طب شفت الناس عامله ازاي اللي كانوا في يوم حبايبك مطنشين ولا حتى سألوا عنك مجرد سؤال بكره ربي يعدلها ما هو سبحانه ما ينسى عباده وانت ....يا كلب زيي زعلان وشايل هموم الدنيا فوق راسك حيران !!!تعبان !!!! موش لاقي لقمة ولا مكان تدارى فيه تبكي على حبيبة والا على قسوة البشر ما كل الناس صارت قاسية حجر تعال ...اقعد جنبي اشيّلك همي وشيّلني همك يمكن نلاقي حل مع بعضينا ندعي ربي يوسعها علينا ولو قفلت الدنيا في وجهينا نرمي حملنا على الله هو ادرى بِنَا مُلك الغزال