معلش

معلش ............ معلش يا بني الذنب مش ذنبي انا عملت المستحيل علشان اخليك كبير كبير مش بالقصور والعربيات والسهرات والبنات بلعكس يا بني انا حفرت في الصخر وقضيت عُمري بشتغل ليل ونهار وما قلت اه علشان تدرس وتتعلم انت واخوتك وتطلعو رجاله العلم يا ابني هو سلاحك بكره تكبر وتصير مالي هدومك دكتور او مهندس او حتى وزير ليه لا !!! هو الوزير زايد عنك ايه هو تعب وتعلم وسهر الليل علشان يصبح في يوم عليه القيمة يا ابني الحياة صعبه واصعب شيء فيها الناس بلاش تبص لفلتان وابن علان واللي راكب عربية سبور واللي يتغدى كل يوم كباب وكافيار الحياة مش اكل وهدوم وبس الحياة احساس وضمير صاحي وايمان بالله هو وحده اللي يرزق عباده يا بني لو عملت معادلة صغيرة حتلاقي نفسك انت الكسبان لما تتربى في عيلة وتلاقي اللي خاف عليك ويحميك بروحه تلاقي السند لو حتى على القد وقت الحاجة لو اضطر يقطع من لحمه ويديك بص يا بني لنفسك واحمد ربك على نعمته في جسمك وعقلك وخلقتك واخلاقك الدنيا عمرها ما كانت فلوس الدنيا حب وتضحية وعطاء وحب الناس بلاش تبصلي كدا انت لِسَّه صغير مش فاهمه الدنيا سيدي النبي عليه الصلاة والسلام عاش فقير يتيم مش لاقي الهدمة ولا اللقمة هو مش صعب على ربي انه يرزقه ويجعله اغنى الناس في الدنيا ويديه ملك وقصور وجواري بس حب يعلمه ان الصبر والاخلاق والقلب الابيض تساوي مال الدنيا اسمعني يا واد وما طنشش بكره ربي يعدلها وتفتخر بتربيتك وأصلك وتشق طريقك والدنيا تفتحلك ذراعتها وتكون ليك هيبة وقيمة وتركب عربية وطيارة ودور العالم بعلمك وثقافتك وتاكل كافيار وتلبس على موضة وتقول ابويا عمل المستحيل علشان اطلع راجل من ظهر راجل يا بني خليك واثق اني بحبك اكثر من نفسي بس اليد قصيرة وما باليد حلية مُلك الغزال تونس