بحبك …بحبك

قلي بحبك " لو قلتها تفقد معانيها " مين قال إنها تفقد معانيها لما تنطقها شفايفك قلبي تُسرع دقاته ويحلق في السما من فرحته وخدودي تحمّر من الخجل واذني تتلقفها كأنها سيمفونية وجسمي يرتعش من سحر رقتها والعصافير تغنيها والاشجار تتمايل وترقص على نغمتها والورد ينثر عبقه ليعانق حرفها والشمس تتغزل بها مرة تظهر ومرة تختفي والارض تهتز لوقع احساسها والحب يسري في قلوب كل البشر قلها ولا تخاف سمع الدنيا إنك بتحبني بحبك لو طالعة من جوه قلبك تخلي بكره كله أمل والمستقبل كله سعادة " بحبك …بحبك " قلها تاني وتالت ورابع يا فرحة قلبي استني اوعى اليوم تسبني حبيبي قال انه يحبني الدنيا مش سيعاني من فرحتي وهنايّ والعمر أصبح ليه معنى اوعى يا موت تقربني حبيبي اعترف لي بحبه بعد صبر طويل هو حبيبي من سنين سكن قلبي وتملكني بس اليوم نطقها قال انه يحبني سمعتها بقلبي قبل اوزاني ومستحيل ابعد عنه أوعى يا دنيا تغدر بيا هو حبيبي وم ليا غيره خليك يا دنيا بس حنينة عليا هو الحب والأمل الضحكة والدمعة هو اللي تتمناه العين وينبض ليه القلب وتشتاق ليه الروح ويحتل احلامي لو غاب تشتاق عينيّ لرؤيته بوجوده يرقص الكون وتتفتح الورود بحبك بحبك ح قلها طول ما في القلب نبض ✍️مُلك الغزال