مجاراة قصيدة لو تعرفي للشاعر عادل التوني

مجاراة قصيدة " لو تعرفي " لأستاذي والشاعر القدير عادل التوني لو .. تعرفي ــــــــــــــــــــ لو تعرفي اِن الجمال مابين عيونك يستخبى ويختفي لانك اِنت كُل حاجه وكُل حاجه بتعشقك زى القمر والشمس نور ... مابينطفي لو تعرفي ــــــــــــــــــــ لو تعرفي ياحُضن دافي انا بعشقهُ اِحساس جميل مِصدقهُ وقلب طفل يجنني من غير ماقولهُ حَبني بيحبني ويزيد فى حُبه مابكتفي لو تعرفي ــــــــــــــــــــ لو تعرفي إنك أميرة ... وألف جان وشهر زاد وكهرمان ولحن فيروزي جنان وحاجات جميلة كتير قوي من غير ماتحكي وتوصفي لو تعرفي ــــــــــــــــــــ لو تعرفي تاريخ ميلادي انا بكتبه فى ضحكتك وعمرى كله انا بحسبه بين نظرتك بتنفسك ــــــــــــــــــــ و... انت الحياة لو تعرفي لو ... تعرفي. ــــــــــــــــــــ عادل التوني ******************* لو تعرف لو تعرف من غير ما اقول إنك في القلب ساكن وفي نن العين مسجون وكل الحياة إنت فصل الربيع والزهور —————- لو تعرف دمي يجري من عشقك وقلبي ينبض عشانك ودمعي يسيل من وجعك وسعادتي كلمة من شفايفك ————— لو تعرف جُوايا طفلة محتاجة لحنيتك تطبطب عليها وتلاعبها تمشط خصلات شعرها وتنيمها على كتفك تحكيلها قصة ألف ليلة وليلة ————— لو تعرف إنك قيس …وأنا ليلاك شهريار …والحكايات سلطان …وكل الستات عاشقات لحن حب تغنيه ثومة نسمة صيف وقمر متربع في سماه ————- لو تعرف تاريخ ميلادي حبك نهاري …إنت شمسه ليلي …إنت سحره بتنفس ريحتك وبعشق روحك —————- و…. الحب إنت الحياة إنت من غيرك ما فيه حياة لو …..تعرف —————- مُلك الغزال